Posted by: Sandra @ 00:06

sunnudagur, nóvember 06, 2005  

Sálarballið í gærkvöldi var algjör snilld. Ég hef ekki skemmt mér svona vel á balli í langan tíma. Og það skemmtilegasta við þetta var að ég var edrú þannig að ég gat séð hvað Íslendingar drekka alveg sjúklega mikið. Og tala nú ekki um að þeir eru duglegir við að hella glasinu yfir næsta mann, já og svo má ekki gleyma að reka sígarettuna utaní fólk...alveg ótrúlegt..það var hellt svona fjórum sinnum yfir okkur allar. Viðbjóðslegt!!

Það kom mér samt á óvart hvað það voru fáir sem ég þekkti. Stelpurnar voru alveg í sama pakkanum, þær voru ekki alveg sáttar við hvað þær könnuðust við fáa.
Það voru samt 1500 manns á þessu balli þannig að það var vel stappað. Það sem mér fannst standa uppúr þetta kvöld var fyndnasta sjón sem ég hef verið vitni að. Það kom gaur sem Sigga þekkir og var að spjalla við hana, síðan kom hann og spjallaði við mig. Hann var búinn að fá sér aðeins of mikið í glas og var því orðin vel skrautlegur. Hann bablaði og bablaði um heima og geima og ætlaði aldrei að stoppa. Ég var enganveginn að nenna að tala við hann þannig að ég byrjaði að kalla eitthvað á stelpurnar, en þær voru að fíflast eitthvað þarna rétta hjá ásamt einhverjum nörda gaurum. Við vorum alveg við barinn inná dansgólfinu, fyrir þá sem þekkja staðinn. Þar er frekar stórt þrep niður á dansgólfið. Gaurinn og ég stóðum við barinn og stelpurnar voru fyrir neðan þetta þrep. Þegar greyið gaurinn áttaði sig á því að ég var ekki að nenna að tala við hann ákveður hann að taka þátt í dansinum og stígur niður af þrepinu. Þar sem að gólfið var svo rosalega sleipt skautar gaurinn þvílíkt á gólfinu og lendir svo loksins á gólfinu. Hann reynir eitthvað að rembast við að reisa sig upp og þegar það loksins tekst byrjar hann bara að dansa þann hallærislega dans sem ég hef nokkurntímann séð. Greyið alveg að reyna að bjarga sér útúr þessari neyðarlegri aðstöðu. Hehehehehe þetta var svo ógeðslega fyndið. Hann var svo mikið nörd og dansinn var engan veginn að hjálpa til..allir sem sáu þetta lágu alveg í kasti... hehehe :) Þetta var svo mikil snilld!!

Svo í dag þá rakst ég aftur á þennan gaur. Hann á víst heima hérna á kollegíinu. Við Alexander vorum í þvottahúsinu þegar hann kemur inn og byrjar bara að spjalla eins og ekkert hafi gerst. Þá átti hann leið hjá og datt í hug að koma við og spjalla aðeins við okkur. Ég varð auðvitað að skjóta aðeins á hann hvað hann hafi verið fullur í gær og sagði honum að ég hafi verið edrú. Svipurinn á manninum, hann varð ekert smá vandræðalegur hehehe...ógeðslega fyndið...

Ég tók annars fullt af myndum sem ég mun henda inn á morgun!!